Мехкада:УнахцӀенон Центро лорий-психологически массайолча оагӀорахьара дарба дергда
ГӏалгӀайчен кулгалхочо Келаматанаькъан Махьмуд-Ӏаьлас аьлар, Илдарха-Гӏалий тӀарча дарбанчен даькъ тӀа ментальни могашала Центр хьаелларах. Кердача лорий центра таро хургья эшачунна массайолча оагӀорахьара лорий-психологически дарба де.
Къаьстта терко тӀайохийт лаьрххӀача операце бӀухошта, цар дезалашта, яхаш, дийцар республикан Кулгалхочо. Цо иштта белгалдир, стационарни дарба даьчул тӀехьагӀа, меттаоттавар керттера моттиг дӀалоацаш долга.
«Вахара халонаш нийсъенначул тӀехьагӀа, республикан дукхагӀа бола бахархой профессиональни лорий новкъостал эшаш ба. Тахан къаьстта уж ба лаьрххӀача тӀема операце бӀухой, цар дезал», - аьлар Мехкадас.
Белгалду, Центре латт таханарча заман дикагӀа йола оборудовани, иштта цига ба лакха балха говзал йола говзанчаш, цар лелаю керда дарба дара оагӀонаш. Цо таро лу хӀара могашал яйначунна унахцӀенон хьал меттаоттаде.
