ГӀалгӀай къаман
юкъара газет

Кердадараш

Келаматанаькъан Махьмуд-Ӏаьла: ГӀалгӀайчен инвестицеш юкъейоалаяра хьал лакхлуш латт

Келаматанаькъан Махьмуд-Ӏаьлас, Москве дӀахьош йола «Росси» яха кхетаче йистеяьнначул тӀехьагӀа, мехкарчарча инвестиционни хьалах шийна хетар аьлар. Цо белгалдир, тӀехьарча хана республике инвестораш юкъебахара дукхагӀа къахьегаш хилар, яхаш, дийцар «Сердало» газетага Келаматанаькъан Махьмуд-Ӏаьлий зарбан болх лелабераша.

Из иштта хилара бахьан да, ГӀалгӀайчен Ӏаьдало юкъейоахаш йола инвестицен болх дӀабахьара лаьрхӀа таронаш тӀехь-тӀехьа дикагӀа хилар. Экономикан даькъ тӀа толамаш гуш да, цу юкъе юртбоахамо лоархӀаме дакъа дӀалоац; ялат, баьцадаараш, сомаш, иштта хьайбаш леладеча. ГӀалгӀайчен агропромышленни комплекса юкъейоагӀа 24 юртбоахаман а продукци ара - хецаш а йола предприятеш,55 кооператив, 2 032 ахархой (фермерски) боахам, 50 000 наьха шоай долахьара юртбоахам, иштта 10 совгӀа инвестице проект. «Ткъаь вурийтта эзар совгӀа балха моттигаш хьакхеллай. Цу даькъ тӀа мехка алапеш да 30 эзар сом. Цу юкъе юртбоахама продукци арахецар 106,6% я», - аьлар Келаматанаькъан Махьмуд-Ӏаьлас. Белгалде деза, 2022 шера из толам вай лакхагӀа бар Къилбаседа Кавказа федеральни округе гӀолла йолча моттигашка хинначул. Юртбоахам лоархӀаме кхачана дакъа да: тӀехьарча массехк шера шоай доалахьарча боахамера арахецача продукцеца бахархошта Ӏалашо яьй кхачан продукташца 100%, дулхаца - 40%. ГӀалгӀа мехка арахийца промышленни продукци хилар 114,3 %, цо таро хилийтар республикан СКФО гӀолла хьалхара моттиг яккха, хӀаьта Россе гӀолла - ворхӀлагӀа. Юртбоахама продукци арахийцай карарча шера наджгоанцхой - ардара бетташка 17,3 млрд сома, иштта юртбоахама продукце маьхаш лакхденнад 1,2 процент. Укх шера юртбоахама продукци дукхагӀа арахецар дувзаденна да, хьайбашкара хьадоаккха маша дукхагӀа хиларца. 39 саг «АвтоВАЗе» балха оттавара дола хаттар а кхоачашдир. Цул совгӀа, кастлуш «Чуранаькъан Тухана цӀерагӀча СТЭК» ГБПОУ 25 дешархо «АвтоВАЗе» Ӏомавала вохийтаргва. Иштта колледже 125 саг царна лаьрхӀача моттигашка хьаийцав, дӀахойодача хана «АвтоВАЗа» предприяте уж балха оттаргболаш (75 лаьрххӀа дола договораш кулг язде дӀадахьийтад).

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде