Келаматанаькъан Махьмуд-Ӏаьла: Нанна телаш долча ахчо дукхача дезалашта новкъостал даьд
Россе Паччахьалкхен Думо чӀоагӀйир 2030 шерга кхаччалца нанна тела ахча чӀоагӀдара йола программа, цо керда таронаш лургья 5 млн гаргга сага.
ГӀалгӀайчен Кулгалхочо Келаматанаькъан Махьмуд-Ӏаьлас белгалдир, мехка Президента Путин Владимира, дезал болча фусамашта, бераш дара долча дешашта дукха терко лоаттаеш хилар. Цо аьлар, нанна тела ахча эцаш хиларал совгӀа, тахан берашта лаьрхӀа кхыдола ахчаш, кхыйола бокъонаш а еннай.
«ГӀалгӀайче бераш дара хьал дика латт. Республика нах тӀакхеташ хилара хьокхама юкъе а хьалхарчарех я, вайна лоархӀаме да иштта паччахьалкхен новкъостал лоаттадеш хилар дезалашта», - аьлар Келаматанаькъан Махьмуд-Ӏаьлас.
Мехка кулгалхочо иштта тӀатехар, нанна телача ахчан лоархӀаме дакъа дӀалаьцад дукхача дезалий фусамашкара кхыдола вахарера дешаш кхоачашдеча.
