Махьмуд-Ӏаьлас ВДНХ ГӀалгӀайче гойтарах дийцар
ВДНХ «Росси» яха 2023 шера оагӀой бетта 8-ча дийнахьа ГӀалгӀай Республикан гойтама ди дӀадахьарах, шийна хетар дийцар Келаматанаькъан Махьмуд-Ӏаьлас. Цо белгалдир, цу тайпара кхетаченаша таро хулийт зӀамига а юкъера а бизнес дӀаяхьа, ший доалахьара хӀама дӀадоладе кердадараш лаха, ший аргӀагӀа цо новкъостал ду керда балха моттигаш хьакхолла, из мехка чӀоагӀа лоархӀаме а да, яхаш, дийцар «Сердало» газетага ГӀалгӀайчен Кулгалхочун, Паччахьалкхен зарбан болх лелабераша.
Иштта мехка кулгалхочо белгалдир, цу тайпарча гойтамо кагирхошта юкъе гӀулакхаш чӀоагӀду, цар профессиональни кхетам лакхбу, яхаш.
«Из гойтам ГӀалгӀайченна чӀоагӀа лоархӀаме бар, дӀахойодача хана тайп-тайпарча балха доакъош тӀа лакхагӀа толамаш дахара малагӀа гӀа баьккхача нийсагӀа хургба, малагӀа технологеш юкъеяьхача бакъахьа хургья хара», - аьлар ГӀалгӀайчен Кулгалхочо.
