Келаматанаькъан Махьмуд-1аьла: ГӏалгӀай мотт къаман керттера белгало я
Тахан, Халкъашта юкъера наьна метта ди хиларах, ГӏалгӀайче ира латт наьна метта хьал. Ма хулла цу меттаца хьашт долаш, из дегӀабоалабара тӀакхувш болча наха къахьегарах, мотт дӀабалар кхерам болаш ба, къаьстта из доагӀаш да зӀамига къамаш дахача моттигашта.
Тахан шоай наьна меттала къамаьл де цаловраш совбоалаш боагӀача хана, цхьа бахьан мара из бувца цаховраш ди тӀехьагӀа дукхагӀа хулаш боагӀача хана, лоархӀаме да мотт бовргбоацаш бола никъ лахар.
«ГӏалгӀай мотт-вай къаман керттера белгало я. Вай кхоллама кагирхошка хьежача хуталу; вай мотт, цун цаӀ хилар тӀехьа тӀайоагӀача тӀехьенга а кхоачаш, дӀагӀоргда аьнна. Аз даькъалабувц берригаш а наьна метта денца», - аьлар метта лерхӀам белгалбеш ГӏалгӀайчен Кулгалхочо.
Латташ дола хьал аттачарех деце а, гӀалгӀай мотт дегӀабоалабара юкъебоалаш бола кагирхой дукхагӀа хулаш боагӀа. Цар хьакхолл, кхоачаш а ю керда проекташ: гӀалгӀай Википедегара, тахан эггара эшаш долча фаьлгашта,таржамаш а деш. Цо сатувсилга ют тӀехьа тӀабоагӀача ноахалга из кхоачарг хиларах.
