Мехкада: Тахан дог тохадолийтача дагалоаттама ди да - тӏеххьара гургал
ГӏалгӀайчен кулгалхочо Келаматанаькъан Махьмуд-Ӏаьлас къамаьл дир 9-11-ча классашка дийша баьннарашка, тӏеххьара гургал тохаш. Ший вахара бувзамашка цо белгалдир, цу ден лерхӀам боккха хилар; кагирхой, шоай вахара никъ харжара, бехктокхаме хилар.
«Тахан дог тохадолийтча дагалоаттама ди да - тӏеххьара гургал. ЛоархӀамеча хоржама наькъ тӀа латт шо, из цаӀ шун вахаре лоархӀаме а бехктокхаме а ба», - аьлар республикан Кулгалхочо.
Иштта цо терко тӀаяхийтар вахара нийса никъ харжара - из хӀара сага ший гӀулакх хинна Ӏац, мехка хургдолчун дакъа да из.
«Вайна эшаш ба нийсхо, хьаькъал дола, къахьегама тӀера бола нах - ГӏалгӀайче дегӀайоалеш шоай дакъа юкъедахьаргдараш; паччахьалкхе чӀоагӀъяра, Дьхенна гӀулакх дара кийча хургбараш», - аьлар Келаматанаькъан Махьмуд-Ӏаьлас.
