Дикача наьха клубо ший 10 шу дизар белгалдир
«Дикача наьха клуб» ший 10 шу дизар белгалдеш хилар. «Дегагара дегага» яха Дикача гӏулакхий сайреннах, юха а сага къахетама белгало хилар, цо вӏашагӏтехар дукха дика гӏулакхаш, аьлар «Сердало» газетага цу моттиге.
Массаза санна, кхетаче дӏайолаелар Къорӏа дешарца, хӏана аьлча дика гӏулакх - из духхьал новкъостал хинна ӏац, из да къахетаме хилар, дег чура цӏенвалар. Укх наькъа из гӏулакх шоашта тӏаийцар Палестинерча бераша.
Ше моаршал хоатташ, ганза кулгалхочо Матенаькъан Натас баркал аьлар хьаьшашта, цар укх массехк шера новкъостал эшаш бола нах шоашца цхьана хьаллацарах, цо уж иштта дӏахо а тӏахьийхар, дикача гӏулакхашта шоай дегаш хьаделлара.
Ганза тоабо дийцар даьхача толамех, иштта ца деш дисачох. Итт шера цо наха лаьрхӏа дӏадахийтад 400 миллион сом.
Цу дог гӏоздаьннача дийнахьа, КДЛ зӏамигача доакъашхоша, дика гӏулакхаш леладара тӏахьехаш йола байташ йийшар.
Республикан унахцӏенон министра ӏалбаканаькъан Зарас баркал аьлар дукхача берий дог хьастара новкъостал даь йола из проект хьаелларах, кхы а дукхагӏа толамаш дахара тӏехьа ловца а боаккхаш. Дикача гӏулакхий юкъарлон доакъашхой шоай балхах дог лазаш хилар бахьан долаш, 225 миллион ахча гулде таро хилар.
Цу кхетачен чудоагӏаш, 33 саг тIаьрг дIахьош хилар. Укхаза гойта оттадаьдар барзкъанца дувзаденна дукхагIа къердараш, спортивни гӏирсаш, къаман белгалон хӏамаш, сахьаташ, кхалнаьха хозала хӏамаш, сурташ, книжкаш, иштта кхы дӏаходараш а. Цу тайпара мехка бахархоша ганза гIо де шоаш кийча хилар гойтар.
«Тха юкъара истори вӏашагӏделлача укх итт шера, оаха дукха хӏама даьд. Хӏара тха баьннача аьттонна тӏехьа латт шо санна эзараш болча наьха тешам, тхо хьаллацар. Цудухьа тахан оаха шоана баркал оал дег чура, шуца бекъ тхоай толам», - аьлар Матенаькъан Натас.
