Ерригача Россе олимпиаде ше дӏайовзийташ хилар, ИнгГУ лорий института тоаба
Халкъашта юкъерча «Сага кхоллам» яхача физиологех йолча Ерригача Россе Vӏ-ча олимпиаде шоай вуз дӏайовзийташ хилар ИнгГУ лорий института студенташ. Укх шерара лоархӏаме кхетаче Россе къаман цхьоагӏон Шера, космонавтика Денна, саг эггара хьалха космосе ваха 65 шу дизара хетаяь яр. Кхоана лораш хинна дӏаоттаргбараш бар цига гулбеннараш массайолча моттигашкара, доазол дехьара.
«Сага кхоллам-2026» олимпиаде пхелагӏа моттиг йоаккхаш белгалбаьлар «Дошо дикал» яхача тоабанцара Гезганаькъан Амина, Мержой Ясмина, Овшанаькъан Хьава, Исмейланаькъан Юсуф. Дакъа лаьцараш 37 тоаба яр. Дӏахо, Махачкалерча Селий паччахьалкхен лорий институте бекарга бутт бовш дӏахьоргйолча олимпиада чаккхенна юкъе дакъа лоацаш хургья из тоаба», - дийцар «Сердалога» ИнгГУ зарбан болх лелабераша.
Иштта йоккхача олипиаде дакъа лацар вай студенташта лоархӏаме да. Таханарча унахцӏенон оагӏонцара доккхий декхараш кхоачашде говзал йола студенташ ба вай университете кхувш латтараш.
Цу толамца даькъалабувц уж массане! Дӏахойодача хана а, иштта лакхача говзалца, лерхӏамца шоай гӏулакх дӏадахьа аьттув хилба цар!
