«Даьхе - тхо» яхача тоабо кхетаче дӀайихьар МагӀалбике
Тайп-тайпарча моттигаша дакъа лоацаш йола кхетаче дӀайихьар МагӀалбике «Даьхе-тхо» яхача тоабо. Из хоам «Сердалога» бир цу моттигера. «Къонача гварди», «Къона эскар», «Даьхе-тхо» яхача гӀо деш лелача тоабаша хьагойтар топ тохара говзал шоашта мел дика йовз. Нийса, меттахьа топ тоха хар дар цига теркалдеш хиннар.
Автомат вӀашагӀйоллаш, тӀаккха юха вӀашагӀйоаккхаш бола болх дика шаьрбир цар укх наькъа. Дешархошта геттара чӀоагӀа дезаш долча цу гӀулакха юкъе дакъа лаца аьттув бар массане», - дийцар тха газетага.
Чербажанаькъан Башира цӀерах йолча шахьарерча тӀема, къахьегама музее гӀолла гобоаккхаш; геттара чӀоагӀбелар цар Даьхенцара, Сийлахь-боккхача Даьймехка тӀем тӀа вай мохк лорабеш лаьттарашцара безам, лерхӀам. Чай молаш, къамаьл деш, тӀема турпалхой цӀераш дагалоацаш, дӀаяхар кхетаче.
Белгалде деза, из болх чакхбоаккхаш гӀо даьраш «ЦаӀ йолча Россе» моттигерча оагӀон доакъашхой болга.
