«Наькъахо» яха хьаькъале ловзар дIадихьар МагIалбике
ТIема сийлен шахьаре дIадихьар «Наькъахо» яха квест-ловзар, из хетадаь дар Халкъашта юкъера берий ди хилара, яхаш, дийцар «Сердало» газетага «Бералла наькъаш» яхача Ерригроссийски проекта зарбан болх лелабераша.
МагIалбика кхален «Россе аьрзей», «Къонача эскархой», «Хьалхарчар болама» хьинар долча нахах вIашагIъеллача ялх тоабо гойтар шоай хьаькъала таронаш, хьисап долаш, халонашта духьалъотталуш хилар. Царна хьалхашка латтар кхо декхар: ма хулла дукхагIа сакхетам хила беза хаттараш кхоачашдар, тайп-тайпара сурташ вIашагIдохкар, парке дIалочкъадаь латта бералла белгало оала фецара кемилг хьалахар», - аьлар хоамо.
«Таханара яхьаш тха дешархошта массазара Iадат да. Наькъахо лахара тIехьа дIахьоча кхетам балара балха тIа йицлургйоаца моттиг юс берий дегашка. Баркал массанена дика дакъа лацарах», - аьлар «Бералла наькъаш» яхача проекта болх лелабеча Кхоартой Таисияс.
