«Оаха кхы а хьалхагIа хоам баьбар РФ культуран Министерствога, Тхьаба-Ерда хьалах лаьца. Тушола бетта Россе культуран министра гIончаца Обрывалин Сергейца, «САФМАР» промышленно-финансови тоабан кулгалхочунца Гуцаранаькъан Микаилаца оаха лаьрхIадар архитектура сийленгаш тоаде», — аьлар ший телеграм-канале ГIалгIай Республикан кулгалхочо Келаматанаькъан Махьмуд-Iаьлас. Цо белгалдир, гаргарча итт шера, дукхагIйолча лоаман ГIалгIайчен лоархIаме исторически гIишлош кердайоахаргья, тоаергья, аьнна. Дукхача эксперташа яхачох, из яьссача ара, сигален кIалха латта музей я, бIарчча исторе оагIув а я, хIанзчул тIехьагIа кхы а тахка а хьаделла дезаш хIама долаш.

Массанена багаяха, хозача гIалашта юкъера цаI йола «ВIовнашке», РФ культуран Министерствон ахчах тоаеш латт.