ГӀалгӀай къаман
юкъара газет

Келаматанаькъан Махьмуд-Iаьлас кхайкарал дир мехкахошка, ГIалгIайчен МВД болхлой дагалоаттама денца

Глава РИ подчеркнул, что каждый житель Ингушетии помнит их всех, погибших в ночь с 21 на 22 июня 2004 года, с безграничным уважением и благодарностью, как своих родных людей.

«Хьамсара новкъостий! Хьамсара ГIалгIайчен бахархой!

Шераш дIадолхаш да, бакъда дег чура бала лаьгIлуш бац. 2004 шера аьтинга бетта 21-22-ча деношка ГIалгIайчено шийна тIаийцар халкъашта юкъерча терроризма унзара дов. Цу бIехача гIозаро вай мехкаца моастагIал леладеча наьха лоIам кхоачашбеш, российски паччахьалкхен духьала волча моастагIчун бIехача политиканна юкъебахар уж.

Царна а иштта уж оттабаьрашта а хийттар чакхдаланзар. Царна хийттадар, ГIалгIайчен терроризма духьалъотта низ хургбац, аьнна. Дагадоацаш, тийшача балхах уж вай мехка бус, ха йоацача хана, чубаьнна хиннабале а, бокъонашлораяра органаш, кхыбола Iаьдала болхлой царна духьалъэттар.

Иштта бартах вIашагIбеллача къовсамеча балхо, зуламхочун бIеха гIоз бохабир, цхьанна террориста доагIаш дола Iазап ца деш дисанзар.

Президент Путин В. В. хьалхарча деношка вера ГIалгIайче, из хьаллацара.

Бокъонашлораерий балха декхарех дувцаш, цо белгалдаьккхар: «МВД массайолча ханашка Россе бокъонашлораяра балха керттерчарех лоархIаш хиннай, цун болхлой паччахьалкхен чIоагIо хиннай, шоаш кхо ца беш, моллагIча кхерама духьалъотташ хьабаьхкаб уж, даим эггара лоархIамегIа дола халкъа юкъара декхараш кхоачашдеш».

Республика цу халача ханашта духьалъэттар, федеральни центро лоаттадеча новкъосталах.

ХIанз а Россе моастагIашта дезар ца хулийташ, вай кхыча республикашта нийсса экономика чIоагIъеш доагIа, дегIайоалаю социальни, культурни, политически ГIалгIайчен вахара оагIонаш.

ГIалгIайчен денал долча, майрача викалаша дизза шоай Даьхен хьалхашкара декхар кхоачашду, Украине дIахьош йолча лаьрххIача операце, цунца цхьана Российски Федераце кхерамзленна Iалашо а еш.

ГIалгIайченна доккха во дар цу бус бIаь гаргга саг, шоай балха декхар кхоачашдеш валар. Вайна уж берригаш а, воай цIагIара болаш санна, дагабоагIа, лоархIа а лоархI, биц а бергбац. Цар гаргарча нахаца, вежарашца, даьшца-ноаношца, цар дисача берашца цхьана бекъ из бала.

Вай бокъонаш лораераша цу деношка гойтар, Даьхе бахьан долаш шоаш мел кийча ба моастагIчоа духьалъотта, Даьхенна шоаш мутIахьа хилар.

Уж бицбергбац тахан а иштта тIехьа тIайоагIача хана а, цар денал, майрал, халонашта духьалъотталуш хилар, вай дегашка дахаргда даим.

Республика бахьан долаш, шоай са Iодиллача ГIалгIайчен МВД болхлой цIераш даим яхийла вай дегашка!

Дала къахетам болба, Дала гешт долда байначарех. Бийрза моттиг Дала даькъалайойла цар», — йоах ГIалгIай Республикан кулгалхочо Келаматанаькъан Махьмуд-Iаьлас хьабайтача хоама тIа.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде