Магӏалбико тӏема дагалоаттамца бувзабир, терроризма духьалара къовсам
Магӏалбика бахархой гулбелар Серго Орджоникидзе цӏерагӏча тӏема сийлен Мемориале, дагалоаттама гуллам дIабахьар духьа. Кхетаче хетаяь яр дунен тӏара шоллагӏа тӏом йистебаьнна, иштта терроризмаца къовсам лоаттабара цхьоагӏон денош хилара. Цу деной тайп-тайпара исторически оагӏонаш я, бакъда царна керте латтар цаӏ да - малагӏа мах дӏабала безаш хилар маьршача вахарга кхачара, из мишта лораде деза цӏаккха а диццадар.
«Доакъашхоша бейнарий дагалоаттам дӏабихьар, йист ца хулача минотаца, цига дийцар турпалхошта карагӏдаьннар. Зизаш даьхкар сийленга тӏа, тӏем тӏара юха ца воагӏаш мел висар чулоацаш дуӏаш дир. Кхетаче дакъа лоацаш бар кагирхой. Къона эскархой, «Хьалхарчар болама» хьинар дараш, кхыча юкъарлоний викалаш. Кхетачен доакъашхошта хоамий буклет дӏайийкъар, цу тӏа дар терроризмах хьадоалача зуламах лаьца», - аьлар «Сердало» газетага из болх вӏашагӏбеллараша.
Дагадоагӏаш хилар - из дац тӏехьашкахьа хьежилга. Боккъонца бола дагалоаттам хургдолчунна тӏаберзабаь ба, вай из хьакхолл хӏара денна. Тахан латтача терроризма, экстремизма духьалъотта везача заман чухь, из ца хилча даргдоацар да, вай лораде декхар да хӏара сага вахар. Цу гӏулакха, цхьа барт болаш, кагирхой духьаллаттача хана вайна гуш да, дӏаяхача ханашка даьша гойта денал, майрал, дика ӏадат доа ца деш хилар, из да тахан маьршача вахарга вугар.
