Наьсаре дӀадихьар къахьегама шоатта
Центральни куран, Наьсарен- Шахьара администрацей тоабаш вӀашагӀкхийтар юкъара болх бе. Боккха экологически болам дӀабихьар шахьара лоархӀамеча моттигашка. Керттера балха дакъа дӀадихьар шахьара Ӏам болча моттиге, хӀанз тоадара балхаш дӀахьош долча, иштта Алханчуртски хин уллувгӀолла. Кхетачен доакъашхоша дика цӀенйир гонахьара моттиг, юкъара доазонаш; бахархошта хоза, цӀена хьалаш хьакхоллаш.
«Цхьана къахьегарах, дика толамаш даьхар. Уж бахьан долаш Ӏама а Алханчурта хин а гонахьара доазув хувцаделар, цӀенагӀа а хозагӀа а хилар. ХӀара доакъашхочо, ший хьамсара шахьар тоае дагахьа, шийгара дакъа юкъедера. Цу тайпара боламаш дӀакхухьаш хиларах, шахьаре лостам лоаттабе таро хул, иштта гонахьарча гӀулакхаца бехктокхаме хул. Цар масал хьагойт Наьсарен вахара, иштта шахьара хургдолчун йоакхо еш хилар», - аьлар «Сердало» газетага шахьара администраце.
Балха доакъашхоша беррига бахархой тӀахьийхар, хьамсарча шахьара Ӏалам лорадара, юкъарча цӀагӀа лостам а цхьоагӀо а лоаттаяра. Цар белгалдир, цхьана къахьегарца мара Наьсаре кхы а хозагӀа е таро хургйоацилга.
