ГIалгIайчен тIоарска кулгахйоаллорга говзанча Исмейланаькъан Iаьла, керда лакхаленаш йоахаш ва
07.11.2025 14:15
ГIалгIайчен тIоарска кулгахйоаллорга говзанча Исмейланаькъан Iьала, ше лаьрхIачунга кхача дагахьа, спортивни толамаш доахаш ва. Укх деношка цо Самаре дика дакъа лаьцар яхьашка, аьлар «Сердало» газетага мехка спорта Министерствон зарбан болх лелабеча ГIаппархой Аишас.
«Самарски областе дIахьош хинна «IBA.PRO 12» яхьаш лоархIаме яр, из профессиональни латар дезарашта. Вай мехкахо хьаллацара, цунца вахар цига ГIалгIайчен физически культуран, спорта министр Белхарой Руслан. Ирана спортсменаца Гешлаги Мейсамца дIахьош хинна яхьаш Исмейланаькъан Iаьла котвоалаш чакхъяьлар», - аьлар хоамо.
Белгалду, вай спортсмена дерригаш 14 дика латар хиннилга.
