СВО доакъашхочун нана Хугаева Лида, Илдарха-Гӏалий тӏарча хоржамий моттиге, ший декхар кхоачашдеш хилар
Тайп-тайпарча балхаш тӏара, боккха, зӏамига бахархой бар Илдарха-Гӏалий тӏа хоржамашка дакъа лаца арабаьннараш. Тахан тӏема аренашка Даьхен хӏама лорадеш латтача бӏухочун нана Хугаева Лида №207 йолча хоржамий моттиге кхадж тоссаш яр, массанена масал гойташ.
«Хоржамашка дакъа лацар вайх хӏаране декхар да. Исторически, политически оагӏонца лоархӏаме долча гӏулакха юстара хила бокъо яц вай. Республикан кхоаненца из лоархӏаме долга кхетаде деза вай, хӏара оаз я тахан мах болаш», - аьлар бӏухочун нанас, «Сердало» газета интервью луш.
Хугаева Лидия кхетадеш яр из мел доккха гӏулакх да вай вахаре. Таханарча, атта йоацача хана къаьстта цхьоагӏо йолаш, лоархӏамедар хьаллоацаш, цаӏаш хинна дӏаотта хьожаш хила дезилга белгалдир цо.
Тахан Илдарха-Гӏалий тӏа болх дӏахьош 8 хоржама моттиг я. ӏуйран бархӏ сахьатагара сайран бархӏнега кхаччалца, болх беш хургья уж моттигаш. Ханнахьа дӏаваха ший декхар кхоачашде деза хӏаране.
