ГӀалгӀайчен ноаной Россе кхоанен тӀехьа кхадж тоссаш хилар
МагӀалбикерча № 9 йолча ишколерча № 409 йолча хоржамий даькъ тӀа дӀаязваь лаьттараш 1500 совгӀа саг вар. Шахьаре эггара къаьнагӀа лоархӀаш йола Тирка дукъ оалача моттиге улла ишкол я из. Ер мугӀараш яздеш волча, цу ишколе деша ваьгӀача автора геттара хоза хийтар, къаьстта цу моттиге Россе кхоане хоржаш хилар.
«Укх шера дӀахьош дола хоржамаш къаьстта лоархӀаме да вайна массанена. Массаболча ноаношта санна лоархӀаме да сона а, малагӀа тайпарча мехка сай дезал бахаргба. Цудухьа, аз сай кхадж, дог раьза долаш, тоалуш, лакхлуш латтача Россена дӀалургба», - дийцар «Сердало» газетага МагӀалбикерча БурдуховгӀар Мархас.
№409 йолча хоржамий даькъ тӀа ваха хилар тахан шахьара администраценна кулгал деш вола Галай Муса. Хьабаьхкача бахархошта баркал оалаш къамаьл даь, хоза ловца баьккха дӀавахар из.
