Лоа дилла, дога дийлха моттиг нийсъелча, из сурт го йиш йолаш да Наьсарен-Шахьара Фабрични яхача урам та, шахьара боккхача Ӏама уллуврча новкъа. НийсагӀа аьлча, уж, дукхача хана денз, коагашка хьаовш дола беха хиш гӀашлошта новкъарле еш да. ГӀаш хьавоагӀаш вола саг, цига нийсвелча, машинаш тӀехъяллалца озавенна латта везаш хул, хӀана аьлча цицхаш теха ше бӀехвар кхераш. Сона дагадоагӀачох, цхьан хана из никъ дика тоабаьбар, хеталора, из тӀоадал латта моттиг кхы нийслургьяц, аьнна, бакъда лийрхӀар хиланзар.

Къаьстта цу урама юкъегӀолла ваха унзара да, хин гонахьа яь карт кхоачаяллалца. Хетаргахьа, цу тайпара этта хьал нийса дац. Сона иштта хет из.

Наьсарен эггара дукхагӀа нах лела хоза моттиг я из, бӀаьш нах шоай гӀулакха дӀа-юха лелаш хул цига гӀолла. Беррига водителаш бац боаггӀача беса кхетам Дала бенна. Цхьабараш наха юхегӀолла тӀехлелх, догӀан бӀеха хин цицхаш техе, бакъда шоай аргӀага наха царна тӀехьа сардамаш доах.

Нагахьа санна, мичча хана тоабаь а, Фабрични урам тара никъ юха тоабе лоархӀе, чӀоагӀа дезар сона цига латташ дола бӀеха хиш къайладалар. Кхы доккха хьаькъал эшаш хӀама а дац из, эшача моттигера кӀеззига лаьтта хьал а айдеш, хиш кхычахьа гӀолла дӀа а лостадеш, гонахьара моттиг чӀоагӀъеш дола балхаш дар мара. Вайна гуш ма дий, лерттӀа хий дӀадодаш, тоадаь наькъаш миштад, тӀаккха из никъ хӀана бац иштта тоабе йиш йолаш?!