Белгалду еррига а 1 июне кхоачаш 57 млн доз, хила еза аьнна, УнахцIенон министерство яьча отчётах иштта я из, бакъда, лаьрхIа хинначул а совгIа яь яьнний из.

«Российски газетага» промышленностеи махбара министерство баьча хоамах, вакцина хьаэц Федеральни антимонопольни службо оттабаьча маьхах, дIа-юха кхачийтара йолча таронга хьежжа. Таханарча денга кхоачаш Россе гIолла 4 вакцина я коронавируса духьала. «Спутник V» арахецаш я йиъ моттиге, «ЭпиВАкКорона»-3, «КовиВак- духхьала ше хьаеча моттиге мара арахецаш яц, Чумакова центре. Эггара технически аттагIа арахецара таро ярех я «Спутник Лайт». Из арахецара вIашагIъелла бархI моттиг я. Цхьабакъда, из препарат дIачIоагIъяь дукха ха яц, хIанз мара арахецаш а яц из, нахага из хьакхоачаргъя цхьан бетта.

Белгалде деза, вай мехка гIолла дола хьал хьаийцача коронавируса духьала вакцинаци яра 7 лорий учрежденешка из болх дIабоаржабаь эзараш вай бахархой вакцинаци я ба. Эггара лерхIамегIа дар да наха из кхета а деш шоай ханнахьа из еш хилар.

Ерригача Россе гIолла ер шу чакхдоалаш цу лазара духьала вакцина е лаьрхIад 68.6 млн сага, е 60% цунах цамогаш хиннараш а боацаш, хIана аьлча, дукхача наха юкъера иммунитет хила езаш я.

Россе гIолла наха мах боацаш вакцинаци е лаьрхIад ОМС полисах.

Премьер —министра Мишустин Михаила яхачох, хьалхарча боарамах йола прививка яь баьннараш 24 млн саг ва. Из цо белгалдир дукха ха йоацаш Госдуме баьча балхах дувцаш.

ХIара вакцина эцара мах цхьатарра ба, юкъера хьаийцача. Эггара кIезигагIа «ЭпиВакКорона»- 842 сом, шоллагIча моттиге «КовиВак»- 866 сом, списка юкъе эггара маьха езагIа яр «Спутник V», цунна мах 866,81 сом да цхьан дозах.

Говзанчаш яхачох, организмо маярра иммунинет хулийтаргйолаш шозза е еза вакцинаци, цу юкъе ши кIира совгIа ха а йоллийташ, лоацца аьлча сага ши вакцина езаш хул. «Спутник лайт» яха вакцина цкъа мара е езаш яц, бакъда, цунна кхы а мах оттабаьбац.

Шу чакхдоалаш вакцинаш дукха арахеца лерхI. Цу гIулакха юкъейоагIаргъя шоай доалахьара инвестицеш. Масала, 28 млрд царех лаьрхIад «Спутник V» яха вакцина арахецара.