«ТӀема чоалханерча хьалашка шийна а ше юкъе волча бӀун а хьалхашка лаьтта декхараш кхоачашдеш, цо сий долаш лорабир мохк», - аьлар цун гаргарча нахага ГӀалгӀай Республикан Паччахьалкхен Председатела хьалхарча гӀончас Йовлой Мухьмада.

Ислам 31 шу даьнна вар. СВО из вар тӀалатача рота иччархо.

ГӀалгӀайчен Кулгалхочо тӀадиллача декхарах, цу дезала ахчанца гӀо дир.

Тиймарзанаькъан Ислам валар - из тахан российски бӀухоша, машара хилийтара тӀехьа, мехка кхерамзленна луш бола беза мах ба. Турпалхо даим дагалаттаргва вайна.