Нах хатарех лорабала Iомабу МЧСо
21.10.2023 16:55
ГӀалгӀайчен МЧС болхлоша паччахьалкхен бе-беча моттигашка хьехамаш ду, нагахьа санна чоалхане хьал этта хуле, фу де деза хьалхадоаккхаш. Укх деношка цу тайпара вIашагIкхетар хилар цар, Россе къаман банка ГӀалгӀай отделене болхлошца, яхаш, дийцар ГӀалгӀай Республике гӀолла йолча Россе МЧС ГУ зарбан болх лелабераша. ХӀара сага, ишкола парта тӀа вагӀа волавелча денз, хьалхадаьккха дика ховш да, нагахьа санна чоалхане хьал этта моттиг хилча, корзагӀваьнна хьовза йиш йоацилга: цунца хьайна а юхерчунна а новкъостал ду Ӏа.
Ховш-м дар из массанена, бакъда из иштта хьадеш бараш кӀезига ба. ХьалхагӀа НВП (юххьанцара тӀема кийчо), хӀанз - ОБЖ (вахара кхерамзлен лард) оалача Iилмаша дешархой Ӏомабора, кхыча хIамашта нийса, тайп-тайпарча халача хьалашка висар мишта кӀалхарваккха веза.
Цудухьа, чоалхане хьал этта моттиг нийсъелча, де дезар фуд хара йола лард дӀаеллай ала йиш йолаш я. Бакъда из моттиг тӀакхаьчача иштта хилац из. ДоккхагӀа хилча вай юха а тӀадолх, уж бокъонаш кердаяха, цига вайна новкъостал ду вай сий долча лорбоша.
«Цар хьагойтар чоалхане хьал эттача накъайоалаш йола техника, хьалхара лорий новкъостал мишта хила деза, цига белгалдир, сиха, нийса даьча новкъостало сага вахар лорадеш хилар», - аьлар республикан МЧСе.
