Кхадж тесса, хоржамий болх мишта дӏабода хьежар Шолжа-Шахьара мэр Ӏумаранаькъан Аслан
Шолжа-Шахьарерча администрацена керте латта Ӏумаранаькъан Аслан эггара хьалхарбарашца кхаджа тасса вахар. № 7 йолча ишкола доазон тӏарча № 908 йолча хоржамий моттиге хилар из. Ший декхар кхоачашдаь, хоржамий болх дӏабахар мишта латт хьежар мэр.
«Хоржамий моттиго наӏараш хьаелларца, сай декхар кхоачашде лаьрхӏар аз. Вай паччахьалкхен геттара лоархӏаме долча цу гӏулакхе дакъа лацар сай декхар лоархӏ аз», - дийцар «Сердалога» Ӏумаранаькъан Аслана.
12 сахьата болх беш хургья хоржама моттигаш, ӏуйрийна бархӏ сахьатагара сайран бархӏ даллалца. 18 шерга кхаьча вола хӏара вахархо ва цига дакъа лаца йиш йолаш. Цу гӏулакха хьалхаэттараша бахархой тӏахьех, шоай декхар дизза кхоачашдара. РФ вахархочун паспортаца ше вахача адресах хьахеттача хоржамий моттиге дӏаваха ший декхар кхоачашде деза хӏаране.
