Шолжа кхален мэра Ӏумаранаькъан Аслана бахархой дехараш кхоачашдергда
04.09.2025 10:53
Шолжен мэра Ӏумаранаькъан Аслана бахархой хаттараш кхоачашдергда, уж дийцадар нах тӀаэца ди долча хана, яхаш, хоам бу «Сердало» газетага шахьара зарбан болх лелабераша.
«Тайп-тайпара хаттараш долаш баьхкача наха дехар дир шахьара кулгалхочунга. Царна дагадоаллаш да лаьттан доалахьенца дувзаденна хаттараш, иштта вахара даькъ тӀа нийслуш дола кхоачамбоацараш. Цхьабараша дийхар наькъаш тоаде новкъостал дар, цига массахана сиха машинаш лелаш хиларах. Ӏумаранаькъан Аслана ший аргӀагӀа уж нах дӀакхетабир эттача хьалах, уж деррига хаттараш ший теркама юкъеийцар», - йоах хоамо.
