Шолже Пхьилекъонгий урам тӀа буллача гӀашлой наькъа тӀахьожам беш ва шахьара мэр
14.05.2025 09:28
Пхьилекъонгий цӀерах болча урам тӀа Ӏобуллаш латтача гӀашлой наькъа тӀахьожам беш ва, Шолжа шахьара мэр Ӏумаранаькъан Аслан. Болх малагӀча боараме дӀахьош ба тахка араваьнна хилар из селхан. «Сердалога» из хоам бир шахьара мэре.
Хьакима белгалдечох, дукхагӀа бола болх чакхбаьккха баьннаб, массехк ди даьлча кердача наькъ тӀагӀолла болабала йиш йолаш хургба бахархой. Шахьара моттигаш тоаярах йолча федеральни проектага гӀолла Ӏобуллаш бола никъ, 540 метрага кхоачаш ба. Теркалде деза, цу наькъа гаьна йоацаш ишкол, кхален поликлиника, почтан филиал йолга.
