Бошта, СВО доакъашхой берашта совгӏаташ дийкъар Илдарха-Гӏалий тӏарча мэре
29.12.2025 10:55
Бошта, иштта тӏема операце доакъашхой берашта мерза совгӏаташ дӏадекъаш болх дӏабихьар шахьара мэре. Из хоам «Сердало» газетага бир администраце зарбан болх лелабеча Кхорахой Мурада.
«Цу гӏулакха юкъе дакъа лаьцар Россе Паччахьалкхен Думан депутаташа Бӏарахой Бек-хана, Татренаькъан Муслима, иштта цӏихезача мецената Гуцаранаькъан Микаила. Вай мехкадас Келаматанаькъан Махьмуд-ӏаьлас тӏадилла, мерза совгӏаташ дӏадийкъар бошта, таро хала йолча, могашал эшаеннача, иштта СВО доакъашхой берашта», - йоах тха газетага кхаьчача хоамо.
Шахьара да волча Дидиганаькъан Ахьмада доккха баркал аьлар из гӏулакх дӏадахьа гӏо де мел эттарашта.
