Илдарха-Гӏӏалан мэре гучайоах йоал яла еза дӏӏаязъянза моттигаш
04.02.2026 15:46
Укх деношка Илдарха-Гӏӏалан мэри дӏӏаязъянза йола моттигаш гучайоахаш я, яхаш, дийцар «Сердало» газетага администраце зарбан болх лелабеча Кхорахой Мурада.
«Бахархой боахамаш къайлагӏӏа леладара хьал гучадоаккхаш хилар лаьрххӏӏа йола тоаба, моттигерча администраце, йоала гӏӏулакх леладу, Роспотребнадзора викалаш юкъе болаш. Уж хьежар къахьегама бартчӏӏоагӏӏо яьйий болхлошца, иштта шоай доалахьара боахам лелабераш дӏӏаязбаьбий, тӏӏахьожама-кассови техника, «Тешама белгало» яха товара тамагӏӏа леладу гӏӏирс болх беш бий», - аьлар хоамо.
Рейдаш дӏӏахьош таро хилар мах беш йолча тикашкара, юкъарча даара моттигашкара хьал довза. Цига нийсделар кхоачамбоацараш. Уж юстардахара ха хоадаяьй бехктокхаме болча наха.
