Шолжера мэри духьаллатт, низ беча гӏулакхашта
Шолжера мэри къовсам лоаттабеш я, низагӀа хӀама качдолла гӀерташ леладеча гӀулакхашца. Тахан моттигерча Ӏаьдало вӀашагӀъеллар шахьара дешара моттигашка багӀача дешархошца кхетаче.
ЛаьрххӀа дола дош дувцара, Шолжа культуран ЦӏагӀа гулбелар мэре АТК, АНК секретараш, лораш, кхыбола бехктокхаме нах. АТК секретара Гатенаькъан Ӏийсас хьалхадаьккхар кагирхошта, малав ца ховча сага ахча дӀадахьийтар кхераме хилар, законо цох малагӀча бехктокхаме оттаву. Цул совгӀа цо тӀахьийхар дешархой Интернета бувзамашка гӀолла фийла хилара.
Шолжа кхален центральни клинически дарбанчен лора-нарколога Тӏоаршхой Бэллас терко тӀаяхийтар, наркотикаш воча оагӀорахьа Ӏаткъаш хилара. Цига белгалдир, физически а психологически а цар наха зе деш хиларах.
Тӏеххьара бераша хаттараш делар, хӀаьта хьаьшаша царна хьехам бир гӀалат ца балийта дагахьа, шоай хургдола вахар цар лорадергдолаш.
