Культуран министра 10 шу даьннача кӀаьнка дагалаьттар кхоачашдир
Укх деношка, ГӏалгӀай Республикан культуран министра Лаьнанаькъан Залинас кхоачашдир, 10 шу даьннача кӀаьнка сатувсаш хинна хӀама, цо «Дагалаттар кхоачашду корсам» яхача Ерригроссийски боламга гӀолла кхайкадаьдар шийна принтер езаш хиларах, яхаш, дийцар «Сердало» газетага культуран Министерствон хоамий отдела кулгалхочо Хазанаькъан Хатимата.
«Культуран кулгалхо, ший гӀончаца яха хилар зӀамига Мархенаькъан Мухьаммад-Ӏаьла уллача дарбанче. Бер чӀоагӀа гӀаддахадар, баркал яхаш дар министра, из совгӀат шийна даларах. СовгӀат даларал совгӀа, цунна делар мерзача хӀамаех диза дола тускар.
«Наха дикахетар дар, уж гӀадбигар - из керттердар да Кердача шера. «Дагалаттар кхоачашдеш йола корсам» нах гӀадбугаш я, сона дика хет се а цунна юкъейоагӀаш хилар. Со тешаш я, ший дешар тӀа эшаш йола материалаш, кхыдола каьхаташ цо цу гӀирсага гӀолла Ӏалашдергхиларах», - аьлар Лаьнанаькъан Залинас.
