Наьсарерча 13 шу даьннача кӏаьнка дехар кхоачашдир юртбоахама гӏулакхех йолча министерствоc
26.12.2025 09:11
Наьсарерча 13 шу даьннача кӏаьнка дехар кхоачашде арабаьлар мехкарча юртбоахама гӏулакхех йолча министерствон болхлой. Из хоам «Сердалога» бир цу моттига зарбан болх лелабеча Арсмаканаькъан Лизас.
«Министерствон кулгалхочун гӏонча волча Цхьорой Ибрахӏима Наьсаре вахача Марзенаькъан Амира велосипед елар совгӏата. Белгалде деза, из гӏулакх 8 шу хьалха денз хьаяхьаш йолча «Сатувса соца» яхача Ерригача Россе проектага гӏолла дӏахьош долга.
2024-ча шера денз, из йоаржаяра болх шийна дӏатӏаийцаб берий, кагирхой «Хьалхарчар болам» яхача Российски оагӏоно», - дийцар тха газетага. Амира велосипед енна; цун йижарашта, вежарашта мерза совгӏаташ делар цу дийнахьа.
