«ТӀаргам-2024» яхача ерригача Россе кхетаченга кийчо еш ба вай кагирхой
24.06.2024 11:54
Кастта Мужеча дӀахьоргйолча «ТӀаргам-2024» яхача, грантех латтача ерригача Россе кхетаченга кийчо еш ба мехкара кагирхой. Вахара проектех дола дешар Ӏомадеш ба уж Магасе, карарча хана. Из хоам «Сердалога» бир кагирхой политикахи туризмахи йолча министерствос.
«ДӀаяхача урокаш тӀа министерствон болхлоша кагирхошта хьийхар Роскагирхой яхача керттерча портале гӀолла дӀа мишта язвала веза, проекта болх кийчбар дӀа мишта дахьа деза. Къаьстта йоккха терко тӀайохийташ дийцар, эшаш мел дар шоашта чулоацаш дола каьхаташ-мах оттадарах», - дийцар министерствон болхло волча Ведажанаькъан Зоврбика.
Яхьашка котало яьккхарашта, лаьрхӀар кхоачашде 500 эзар сом ахча дала лерхӀ.
