ГӀалгӀай, Гуржий мехкашкарча кагирхошца болх бераша бувзам чӀоагӀбир
«Магас»-2024» яхача кагирхой кхетачен доакъашхой хиннача цхьанкхетаре кагирхой политикахи туризмахи йолча Министерствон хьалха латтача Малсаганаькъан Адама белгалдир; вай республикерча, Гуржий мехкарча кагирхой оагӀонаша бувзам лелабергхилар. Из хоам «Сердалога» бир цу моттигера.
«Министерствон Даьхенцара безам чӀоагӀбеш кагирхой кхебарах болча оагӀон хьалха латтача Хьулахой Ахьмада яхачох, Сочера дерригача дунен кагирхой фестиваль йистеяьнначул тӀехьагӀа, хоза кхаъ бахьаш каьхат кхаьчад царга.
Каьхата тӀа белгалдечох, РФ мехкашкара хӀара кагирхой гӀулакхех йола министерство, ВФМ вӀашагӀкхетараш дӀахьош, ше гӀо деш хиннача мехкара бахархой беха безаш я. 2025-ча шера вай мехка кхоачаргба Гуржий мехкара хьаьший», - йоах хоамо.
Цул совгӀа, кхетачен доакъашхоша Малсаганаькъан Адамга хийттар: кхыйолча моттигашцара бувзам мишта дӀахьу вай министерствоc; кагирхой политикеи туризми вӀаший хотта мишта аьттув боал, малагӀа толамаш даьхад вай, ер шу доладелча денз?
