17 эзар сома Ӏехаяьй зуламхочо, пенсе яха вай мехкахо
06.02.2024 12:06
Вай мехкарча яхархочун банковски карта тӀара 17 эзар сом ахча лочкъадаь зуламхо лохаш ба, Илдарха-ГӀалий тӀара МВД къахьегамхой. Из хоам «Сердало» газетага бир Ӏаьдала болхлоша.
«Шахьарерча МВД оагӀон болхлой болча латкъа енача кхалсага дийцар, пенсе тӀа 9 эзар сом ахча ӀотӀатохаш гӀо дергда, аьнна, ший карта тӀара 17 эзар сом ахча дӀадихьад малий ца ховча зуламхочо. Банка болхло я ше, аьнна, из Ӏехаяьй ахча дихьачо», - белгалду МВД.
Зуламхо лохаш, болх дӀахьош ба Ӏаьдала болхлой. ХӀанз массехказлагӀа кхайкарал ду оаха бахархошка!
Боккъал а ма Ӏехадайта шоаш зуламхошка, малаш ба ца ховча нахаца бувзаме ма дувла, къоастаде дезаш гӀулакх дале, банке дӀа а дахе нийсде шоай хӀама. Фе хила! Тийшаболх хиннабале, Ӏалаьмате чехка хоам бе МВД.
