ГӀайрбика-Юрта йисте, КАМАЗ ахка яхар
10.02.2024 00:40
ГӀалгӀайче гӀолла йолча Россе МЧС Керттерча управлене ха деча хана хоам бера, ГӀайрбика-Юрта йисте наькъа зулам нийсдаларах. Цига кхаьчача «Магас» яхача кӀалхарваккхара йолча отрядо белгалдир, КАМАЗа водитель ший машенаца ахка ваха хилар, машен дӀа ца лоаллалуш йисарах.
Цу хатаре цхьан сага зулам даьлар, из МагӀалбика кхален керттерча дарбанче дӀавигар, зулам даьннача лелалача лорий Центра болхлоша. Ахка яхача машена чура саг хьавоаккхаш, хатар юстардоаккхаш, болх беш хилар «Магас» яхача оарцагӀа ухача отряда болхлой, иштта №12 йолча цӀи йоаяра даькъ тӀара болхлой», - аьлар «Сердало» газетага ГӀалгӀай Республике гӀолла йолча Россе МЧС керттерча урхаллене.
