Россе Паччахьалкхен байракх йоаржайир Маьтлоам тIа
Россе Паччахьалкхен байракха Денна хетаяьча кхетаченаша дог ураоттадир мехкахой. Моттигерча Миннаца ший тайпара совгIат – боккха, Даьхенцарча безамах, лерхIамах бола болам кийчбир цу Денна хетабаь. Маьтлоама бухьебаьнна, боккхача мехка - Россе тайп-тайпарча бесаех латта байракх йоаржайир мехка. ХIаранена Даьхен хIама лораде дезилга дагадохийташ, дукха нах вIашкаозаш гIулакх хилар цох. Болам хьаллаца ловраш дукха хилар мехка.
«3003 метрага кхоачаш лакха болча Маьтлоам тIа баьнна 20-30 метр йола Российски Паччахьалкхен байракх йоаржае эттар Хьалхарчар болама, «Къонача эскара» доакъашхой, гIо деш лелараш, Къилбаседа Кавказа тайп-тайпарча моттигашкара блогераш. Иштта лакхе баьнна Россе байракх йоаржаяр хIанзолца цхьаннахьа хинна хIама дац. Даьхенцара безам моллагIча моттиге кхача хала ца хеташ боккха, ший тайпара йIовхал йоаржаеш хила безилга белгалдир цу боламга гIолла», - дийцар «Сердалога» мехкарча Миннаце.
РФ Президент волча Путин Владимира хьакхайкадаь Россе къамий цхьоагIон Шу хьаллоацаш, болх хилар ала деза цох! Цу боламца вай республико дIагойтар, цхьаккха километраша, ирача, лакхача лоамаша Даьхенцара лерхIам лакха хилар белгалде вайна духьале ергйоацилга. БIаьшерашкара денз хьадоагIаш доккха истори, Iадаташ, культура, гIулакхаш долаш мохк ба вайбар!
