Наьсарерча Кхоартой цӏерагӏча урам тӏара лампаш хувца йолаяьй
13.01.2026 09:49
Наьсарерча Кхоартой цӏерагӏча урам тӏара лампаш хувцаш боахк тахан болхлой. Из хоам «Сердалога» бир шахьара мэре.
«Урам тӏа сийрдагӏа хургйолаш, кхы а лампашта лаьрхӏа 14 бӏоагӏа бегӏар цига. 200 Ватт сердал тела, толашагӏа йола лампаш я цига йогӏараш. Сийрдагӏа хиларал совгӏа, ханахьа ца ягара а дикагӏа я уж», - дийцар тхога. Машинашца леларашта санна, гӏаш болхарашта а кхерамзлен хьалага диллача паргӏато еш я сийрдагӏа йола лампаш.
«Шахьарерча урамашка сийрда хила еза, цунга хьежжа «боад латтача» моттигий хьал меттадоаладеш къахьега лаьрхӏа да тхо дӏахо а», - аьлар мэре болхлоша.
