Из проект тоайича бакъахьа хеташ, бахархоша 2023 шера Ерригроссийски моттиг хоржаш, кхадж тассар.

Таханарча денга кхоачаш, никъ буллаш а бӀеха хиш дӀаухаш йола моттиг тоаеш а дола балхаш йистедаьннад.

МагӀалбика кулгалхочо дийцар, даь даьнначох, цо белгалдир: «Тха шахьара из лоархӀаме проект я. Тхо хьожаш да тхоай бахархошта дика вахара хьалаш кхолла, цудухьа из болх дӀахьош хилар а цунна тешал деш да. Баркал ала безам бар са кхадж тоссаш дакъа лоацаш мел хиннарашта, оаш новкъостал ду тхона эшаш йола проекташ кхоачашъе».

Шейха Мансура урам тоабаро таро хулийт; керда асфальт билла никъ, атта лела йиш йола гIашлой наькъаш, сердал наха хилийта. Цу гIулакхаша из урам кхерамзлен Ӏалашо йолаш а бу, гӀаш леларашта а иштта машинаца боагӀарашта из йоккха паргIато а я.