Шолжерча Выгонни урам тӏа бокъо йоацаш мах беш хилар гучадаьлар
15.05.2026 16:35
Шолжерча Выгонни урамах рейда дӏахьош гучадаьлар, йоал лургйолаш дӏаязъянз мах бара моттигаш хилар, иштта цига касса аппараташ а цахилар.
«Аргӏанара тӏахьожам беш; экономикан, рузкъан отдел, йоал йоахача болхлошца цхьана, хьежар цу гӏулакхага. Рейда чудоагӏаш яр 120 моттиг. Бокъонаш телхаеча наха лоткъама каьхаташ оттадир РФ КоАПа 14.1 статьях, уж дӏадохьийтаргда МВД. Кхетаче вӏашагӏъеллараша хьалхадоаккх даькъ тӏарча викалашта, юридически юхь дӏаязъе езилга, е ший доалахьара хӏама леладеш хилара цӏи цун хила езилга», - аьлар хоамо.
Белгалду, хьалха «Сердало» газета яздаьдар, Шолжа администраце экономикан, рузкъан отдело, «Сбербанк» ПАО викалашца цхьана, рейд йир мах беча моттигашка (аквайринг) мах тӏалатта гӏирсаш оттадеш, яхаш.
