СВО 4 тонн совгӏа хӏамаш яхьийтар мехкарча Къаман фронто
Тӏема аренашка Даьхен гӏулакха арабаьнна лелача вай бӏухошта, хӏамаш яхьийтар Къаман фронта моттигерча оагӏон доакъашхоша. Запорожски доазон тӏа декхараш кхоачашдеш латтача къаман къонгашта лаьрхӏа яр укх наькъа яхьийта хӏамаш.
«Йиъ тоннага кхоачача хӏамашта юкъе ба ханахьа талхаш боаца кхача: консерваш, ӏовнаш, гарзаш, чай, шекар, иштта кхыдараш. Бӏухошца бувзаме болаш, царна эггара чӏоагӏагӏа эшаш йола хӏамаш я яхьийтараш. Шоай цӏенах, мехках хьегаш, Даьхен гӏулакха латтача наьха оагӏув хьаллаца, цар хьал аттачахьа даккха лоаттадеш гӏулакх да из. Коталон ди гаргадоаладе гӏерташ, шоашта могар деш латт уж нах тахан», - дийцар «Сердалога» Къаман фронта моттигерча оагӏон хьалха латтача Тенканаькъан Башира.
Тӏема аренашка лелача бӏухошта, гӏо де ловраш кӏезига бац вай мехка. Бахархоша, бизнесменаша, гӏо деш лелараша, юкъарча моттигаша хьаллоацаш гӏулакх да из. Хьалхарча дийнахьа денз, бӏухошта эшар фуд хьожаш, цар хьашташ кхоачашде гӏерташ, къахьег мехка.
