Дешара моттиг тоаергья кердача ишколаша
Дуккха кердадараш чулоацаш хьалъярга хьежжа, дешара оагӀон хьал тоадеш хургья тӀехьарча шерашка вай мехка хьалъеш латта ишколаш. Из хоам «Сердало» газетага бир дешареи Ӏилмани гӀулакхех йолча министерствос.
«Къаман «Дешар» яхача проектага гӀолла Берда-Юрта хьалъеш латта 250 бера лаьрхӀа ишкол цигарча бахархошта доккха совгӀат да. Моттигера къаьна ишкол тоаш цахиларах, кхыча юрта дӀаухаш, дешаш да бераш укх массехк шера.
Керда ишкол, хиланза яргйоацаш, эшаш яр укхаза», - дийцар гӀишлош яра балхах йолча министерствос.
Хьинаре къахьегаш боахк болхлой. 250 млн сом хьожадаьд паччахьалкхено цу ишкола лаьрхӀа. ХьатӀадоагӀа шу йистедоалаш, кийча хила езаш я из, Дала аьннадале.
«Тхона доккха совгӀат хиннад цу ишколах. Лоалаха ядача моттигашка ухаш, деша дезаргдац берий. Дукха хьийжадар тхо цу тайпарча йоккхача ишколага», - аьлар Берда-Юртарча вахархочо.
