Доал доацаш лелача дийнаташта лаьрхӏа фусам хургья Шолжа-Шахьаре
26.03.2026 09:15
Шолжа-Шахьаре доал доацаш дӏахийца лелача хьайбашта лаьрхӏа моттиг хургья аьнна хоам бенаб тхога. Шахьарерча хьакимаша тахан из болх дӏаболабаьб.
«Цхьаккха тӏахьожам, доал доацаш; урамашка гӏолла лелача хьайбаша шахьара куц толхадеш, цхьацца моттигаш йохаеш зе ду. Бахархой из гӏулакх меттадоаладе яхаш леткъа дукха ха я.
10 дийнахьа чакхбаккха лерхӏ из болх. Цул тӏехьагӏа, доал доацаш наьха сатем боабаь лела хьайбаш Висаитова оалача урамерча ЖКХ гӏишлон тӏехьашка хьайийллача гӏод тохача моттиге дӏакхувларгда», - дийцар администраце.
