Цига могашал меттаоттаеш хул тайп-тайпара хала лазараш дола бераш - мазашца дувзаденна цамгараш, дегӀа маьженашка лерттӀа болх ца байташ дола лазараш дараш, иштта доагам хиннараш, дегӀ човхадаьраш. Цига ха йоаккхаш, дарбаш деш да бераш. Цхьан шергара 18 шерга кхаччалца долча 55 бера гӀо ду цига хӀара бетта. БархӀ оагӀонца йиqкъа йолаш, тайп-тайпара новкъостал лоаттаде аьттув ба цу моттига:

1. Эггара хьалха саг дӀатӀаэцаш йола, деррига тохкаш йола моттиг.

2. Физкультура яйташ, массаж еш, маьхашца дарба ду моттиг.

3. Психологаша-хьехархоша нахаца бувзам лелабе бера гӀо деш йола моттиг.

4. ТӀехкашца дувзаденнача лазарашта дарба деш йола моттиг.

5. Мазашца дувзаденнача лазарашта духьала дарба деш бола оагӀув.

РФ ОП доакъашхо волча Андреев Евгене белгалдир, берий могашал меттаоттаеш мел эшар долаш, шоай ноаношца дарба деш паргӀатта ха яккха йиш йолаш, моттиг из хилар. Кхыдолча мехкашка доацар долаш, дика тоаяь я из тахан.

«Тайп-тайпара дарбаш ду укх моттиге: маьхашцара терапи, хоттанцара дарба да дӀахьош. Иштта дарба деча юкъа шоай дешар юкъагӀа ца дита а аьттув ба берий», - аьлар Андрейс. Ер шу доладелча денз, 458 бер хиннад цига унахцӀено меттаоттаеш; шу йистедалале, хьаелла лерхӀ цига эрготерапе кабинет, бассейн. Цу чу йоаккхаш йола ха кхы а дикагӀа дӀаяхьа йиш хургья, могашал эшаеннача вай мехкарча берий.