Гӏалгӏайчен МВД «Сунт» яха операци дӏахьош, ПДД бӏаьш кхоачамбоацараш гучадаьлар
Гӏалгӏай мехка чаккхе йир, «Сунт» яхача аргӏанарча сиха хьехам беча балха, из дӏахьош наькъа инспектораша, республикан МВД чуйоагӏача моттигий болхлоша гучадаьхар ПДД дукха кхоачамбоацараш.
«Наькъашкара тӏахьожам дӏаболабаьб Гӏалгӏай Республикан чурча гӏулакхий министра Котов Владимира ше лаьрххӏа дола декхар хьалхашка оттадаь хиларах. Цу тайпара болх наькъашка дӏахьош, административни бехктокхаме оттавир 261 бокъонаш телхаеш хинна саг. Доккхий гӏалаташ гучадаьннача 26 сагагара машинаш хьаяьхар, лаьрххӏача уж лоаттаеча моттиге дӏайигар», - аьлар «Сердало» газетага Гӏалгӏайче гӏолла йолча Россе МВД зарбан болх лелабераша.
Моттигерча МВД хьалхадоаккх, цу тайпара болх дӏабахьар наькъашкара хьал тоадара, наьха вахар лорадара лаьрхӏа хилар. Беррига наькъа доакъашхой бокъонаш лораяра тӏахьех.
