Тӏема аренашка вахар хаьдача Магӏалбикерча бӏухочун да вера кхадж тасса
Тахан берригача бахархошта хьалхашка латтар лоархӏаме, доккха декхар долга кхетадеш; Россе Паччахьалкхен Думан, Халкъа Гуллама депутаташ хоржача дакъа лаца араваьлар Арсамаканаькъан Ювсап. Белгалде деза, Ювсапа виӏий тӏема аренашка Даьхен хӏама лорадеш латташ вахар хаьдалга. Гӏалгӏай къаман къонгаша бӏаьшерашка денз гойташ хинна майрал, денал дӏахьокхаш белгалваьлар из тӏема аренашка.
Воӏ дӏаваьнна дог деха, дег чу гӏайгӏа чуйижа вале а, вехавац Ювсап, ший декхар дизза кхоачашде лайра цунна тахан. Цо кхетаду, таханара ди массане терко е езаш, хьаллаца дезаш долга, къаман, ший дега хьамсара йолча Магӏалбика хӏама тоадергдола нах харжар тахан керттерча декхарех долга. Массанена масал гойташ, хоржамий комиссена баркал оалаш, ший кхадж тессар цо, тӏаккха тӏатехар дешаш: «Дерригаш а цхьанкхеташ, вӏаший оагӏув хьаллоацаш хила деза вай».
Беркате хилда хоржамаш! Массавар ураотта веза ди из долга кхетадеш хила деза вай!
