ГӏалгӀайчен панкратионхоша дакъа лоацаргда Сербе дӀахьоча дунен чемпионате
06.10.2025 11:17
ГӏалгӀайчен панкратионхой дакъа лоацаш хургба, Сербе дӀахьоча дунен чемпионате. Хӏанз вай спортсменаш ба дешара-тренировкаш еча Россе гулъяьча тоабан кийчон болх дӏахьош, яхаш, дийцар «Сердало» газетага ГӀалгӀай Республикан спортивни латара федераце зарбан болх лелабераша.
«Вӏашагӏтехача тоабан юкъе болаш, говзал шаьръеш, кийчлуш ба Ӏелджаркъанаькъан Мухьмад-Амин, Дзейтанаькъан Апти, Кхоартой Билан, Хьажкӏенаькъан Мурад. Карарча хана уж ба Парамонова яхача (Подмосковье) юртарча спортивни кийчо яра йолча федеральни базе», - аьлар хоамо.
