ГӀалгӀайчен хьехархоша шоай дакъа юкъехьу кагирхой эхь-эзделца кхебара
Маьтсела бетта 15-ча денгара 16-ча денга кхаччалца, «Машук» дешара Центре семинар дӀайихьар, из хетаяьяр «Эхь-эздела кӀийле кхувш боагӀарашта йовзийташ бола кхетам лакхбар яхача теманна.
Кхетачене гулвелар СКФОра 150 хьехархо, цу юкъе ГӀалгӀайчен викалаш а болаш, яхаш, хоам бир Паччахьалкхен зарбан болх лелабераша.
Республикера цу юкъевоагӀаш вар 20 викал, дешара моттигий методисташ а ишколай хьехархой а болаш. Семинара доакъашхой юкъебаьлар йоккхача программанна, цунна чудоагӀаш дар говзанч-хьехамаш дӀадахьар. Керттера тема яр «ЛоархӀаме къамаьл».
Белгалду, цу тайпара урокал арахьара болх дӀабахьаро хьехархой, дешархой, цар даьй бувзам чӀоагӀбеш хилар.
Кхетачено таро лу уроках доаца дешар дӀадахьара бола болх дика вӀашагӀболла. Цунна юкъе да дешара кабинеташ кийчъяр таханарча гӀирсашца, иштта хьехархой говзал лакхъяра программаш вӀашагӀйохкар.
