Гӏалгӏайчен Хьалхарбараш бовзаш ба агронома болх, МСХ
«Дика кхетаченаш» яхача проекта чудоагӏаш, Долакха-Юртарча №3 йолча юкъерча ишкола «Хьалхарчар болама» доакъашхошта вайзар Гӏалгӏай паччахьалкхен университета агрономически лабораторе кулгалхо Дзовранаькъан Амиран, яхаш, дийцар «Сердало» газетага из кхетаче вӏашагӏъеллараша.
«Хьаьшо дийцар агрономе истори хьакхолларах, цу даькъ тӏа къахьегаш болча таханарча заман говзанчех, таьрахьий технологех, новкъостал деш йола юртбоахама лаьттан анализ яра балхагара дроний, спутникий хаоттама новкъосталга кхаччалца хьувкъам лелабара таронаш.
Къаьстта берашта дезаделар говзанча хьехамаш дӏахьош хилар, тайп-тайпара опыташ еш, из болх дӏахьош вар «Агрономе, МСХ» ИнгГУ кафедра ассистент Адама Амиран.
«Цу тайпара кхетаченаш лоархӏаме я тха ишколá, республике хьалхара Агротехкласс хьаеллаш хиларца, цо таро лургья таханарча заман агротехнологеш йовза, иштта хьалхара гӏа баккха хургйолча профессега кхачара», - аьлар «Бералла наькъаш» яхача проекта медиаговзанчас Коазой Миланас.
