Кхааш ийдеча тоабанна духьала ба кагирхой
Кхааш ийдеча тоабанна духьала я вай хьалкхувш латта тӀехье. Из хьаллоацаш болам дӀабихьар цар Магасе. «Сердалога» из хоам бир цу гӀулакха хьалхалаттараша. «Болам дӀахьош хьалхалаьттараш яр кагирхой политикахи туризмахи йола Министерство, кхааш ийдара духьала къовсам лоаттабу республикера болхлой. Болама керттера декхар - кхааш ийдар мел ийрча, во, харцахьа гӀулакх да массарашта дӀахайтар.
Наькъашка, нах гулбеннача моттигашка из деррига хьалхадоаккхаш дола каьхаташ дӀадекъаш хилар гӀо деш лелараш», - йоах тхога бенача хоамо.
«Кхааш ийдара духьала къовсам лоаттаберий Ди гаргакхоачаш латтача хана, массанена хьалхадаккха гӀерт тхо, цу воча гӀулакха духьала малагӀча тайпара къовсам лоаттабе беза, цу хӀаман никъ хоадабар мел лоархӀаме да», - аьлар кагирхой гӀулакхех болча оагӀон болхло йолча Майсиганаькъан Фаридас.
