«Деша ваха гӀо де» яха болам хьаллаьцар полице
Ерригача Россе дӀахьош бола «Деша ваха гӀо де» яха болам хьаллаьцар мехкарча полице болхлоша. МВД кулгалхочун декхараш кхоачашдеш волча полице полковника Козярский Алексейс тӀадилла, шоай балха тӀа вахар хаьдача МВД болхлой берашта юкъе йийкъар хӀамаш».
Боламе дакъа лаца эттар республикера МВД болхлой, МВД юкъарлен оагӀонцарча кхела хьалха латта Гаданаькъан Муса, иштта гӀо деш бараш. Паччахьалкхен Думан депутат волча БӀарахой Бек-хана новкъосталца, 127 бера гӀо дир цар. Ишколе водаш эшаш мел йола хӀамаш чуйоахка портфелаш делар царна. Белгалде деза, бераш совгӀаташта чӀоагӀа гӀаддаха хиннилга. ХӀара бера йоаггӀаш йола терко еш дӀадихьар из беркате гӀулакх», - дийцар «Сердалога» болам дӀахьош хиннараша.
Даьхен маьрша денош лорадеш, шоай синош Ӏодийхкача болхлой дезалашта массахана терко лоаттаю полице къахьегамхоша. Турпалий дезалаш массахана дагабоагӀилга, царна гӀо де кийча болга хайташ, болам бар укх наькъа боаржабаьр а.
