Чурча гӏулакхий министерства района отдела болхлоша, эггара хьалха даьр дар, шоай участке мел болча хьал дика доацача дезалашка чу а увтташ, цигара берашта кхетам балара хьалаш тахкар, дай-ноаной (е цар когаметтабараш) цу берашта малагӏа кхетам луш ба а, берашца цар къизал лелайой а хьажар, ӏаьдала бокъонаш телхаяра, уж юкъеувзаш бий хьажар.

Къаьстта теркам бир, кхувшбоагӏарий гӏулаккхий хьакъехьа йолча отделе дӏаязбаь болчарна хьалхалаттараш фу деш ба хьажара. Царца къамаьл дир, ӏаьдало мога ца деш дола хӏамаш де йиш цахилара хьакъехьа. Цул совгӏа, района доазон тӏа йолча ФОКаша беча балхага а хьежар. Укхаза а дир кхувшбоагӏарашца къамаьлаш, ӏаьдало могадеш доаца хӏамаш царна карахдаларах, уж лорабеш. Кхувшбоагӏарашта хьехар дир, чоалхане хьал эттача фу де деза, аьнна.

Россе Чурча гӏулакхий министерства Наьсарен районе гӏолла йолча отдела, кхувшбоагӏарий гӏулаккхий хьакъехьа йолча отдела начальник йолча Могушковас тӏахьийхар кхувшбоагӏараш «ахкан каникулаш йолча юкъа, къаьстта, лоралуш хила, оашош а ма де бокъо толхаеш дола хӏамаш, е шоай новкъосташка а ма дайта», — аьнна.