ЛНР берий дог хьоасташ, совгӏаташ дахьийтар Гӏалгӏайчен цигарча викало
ДНР, ЛНР, Запорожски, Херсонски областашкарча Гӏалгӏайчен массазарча викала, «Тоадалар» яхача гӏо лоаттадеча ганза кулгалхо волча Фарганаькъан Т. Луганска Къаман Республикан дегӏа могашал эшаеннача берий дог хьаста лаьрхӏар «Меттаоттар» яхача, заӏапхой дола бераш чудолча моттиге ваха. Берашта лаьрхӏа дукха совгӏаташ дихьар цо цига.
«Гӏо дарал совгӏа, хӏара бера из дезаш, лоархӏаш долга дӏахайташ дола гӏулакх гойтар дар керттера. Къаьстта могашал эшаеннача бера дог хьастар, из гӏадгӏоргдола хӏама кхостадар чӏоагӏа лоархӏаме да. Дикача гӏулакхий никъ вӏалла кхоачалуш хила йиш яц», - аьлар Фаьрганаькъан Т. тха «Сердало» газетага къамаьл деш.
Хӏара совгӏат бера гӏозаленах доагаш хургдола бӏаргаш духьалъувттадеш кийчдаь дар. Дегӏа могашал эшаенна дола бераш къаьстта чӏоагӏа сатувсаш хул шоаш теркалдарга, дог хьастарга. Тахан, атта доаца денош латтача хана, цу наха терко лоаттаяр керттера долга дицде йиш яц вай. Беркатеча хӏамо дуккхача дикай наӏараш хьаелл.
